देश देखि विदेशसम्म लिम्बुवान मंच सशक्त अघि बढदै |

मिति २०७३ पौष २२ गते तदनोसार 06 जनवरी 2017 को दीन संघीय सामाजिक मञ्च , संघीय लिम्बुवान सामाजिक मञ्च प्रवास कार्यसमितिले पुनर्गठन पश्चात् पहिलो बैठक मार्फत विभिन्न कार्ययोजना र एजेन्डा हरु पारित गर्दै भब्यताका साथ बैठक सम्पन्न गरेको छ !
कार्यक्रमको सभापतित्व यसै सलिसाम का अध्यक्ष श्री प्रदीप केरुङ्ग लिम्बू ज्यु ले गर्नु भएको थियो भने कार्यक्रममा सचीव तारा चन खवास ज्यु ले स्वागत मन्तव्य राख्नु भएको थियो !
कार्यक्रममा उपाध्यक्ष श्री टङ्क चबेगु,उपाध्यक्ष श्री सुन्दर नुगोहाङ्ग ,उपाध्यक्ष श्रीमती लक्ष्मि पतवा चबेगु र उपाध्यक्ष श्री भिम लक्सम लिम्बू ज्यु हरुको उपस्थितिमा यसै कार्यसमितिका महासचिव दुर्गा बिवश माबो ज्युले सुरु देखी अन्त्य सम्म कार्यक्रम संचालन गर्नु भएको थियो !

बैठकमा सबै बिभागिय प्रमुख उपप्रमुख साथै सबै कार्यकर्ताहरुको उल्लासमय उपस्थितीको बिच कार्यसमितिका पदाधिकारीहरु लाई सफत ग्रहणको कार्यक्रम पनि राखिएको थियो ।

यसै क्रममा बिगतको दीनमा माओबादी पार्टी केन्द्रमा सक्रिय सदस्यको भुमिकामा रहि लामो समय सम्म संघर्स गर्दै आउनु भएका जिल्ला ताप्लेजुङ सिकैचा ४ कुन्जारी निवासी
जुझारु र अति मिलनसार मित्र श्री पुर्नहाङ्ग लक्सम्बा ज्यु सो पार्टी परित्याग गरि संघीय लोकतान्त्रिक रास्ट्रीय मञ्च ,संघीय लिम्बुवान मञ्च पार्टिमा प्रवेश गर्नु भएकोमा उहालाई संघीय लिम्बुवान सामाजिक मञ्च प्रवास कार्यसमितिका अध्यक्ष श्री प्रदिप लिम्बू केरुङ,उपाध्यक्ष ,महासचिव ,सचीव केन्द्र इन्चार्ज संस्कृतिक प्रमुख ज्युहरु द्वारा बिशेष कार्यक्रम राखी दोसल्ला ओडाइ पार्टिमा स्वागत गरिएको थियो !

उहाले बिगतमा पनि संघीयता र पहिचानकै लागि भनेर लामो समय सम्म माओबादी पार्टिमा समय बिताए पनि सो पार्टीले अहिले आएर संघीयता र पहिचानको मुद्दाबाट पछि हटिरहेको महसुस गरि सो पार्टिमा बसेर आफ्नो पहिचान र अस्तित्व लाई धरापमा पार्न नचाहेको बरु मरे पनि आफ्नो पहिचान र लिम्बुवान मुक्तिकै लागि लड्दा लड्दै मर्छु भन्ने दृढ़ संकल्पका साथ यस संघीय लोकतान्त्रिक रास्ट्रीय मञ्च ,संघीय लिम्बुवान मञ्चमा प्रवेश गरेको पनि उहाले स्पष्ट पार्नु भयो !
त्यसै गरि बिगत लामो समय देखिनै सलोराम संघीय लिम्बुवान मञ्च नेपालमा संघर्ष गर्दै आउनु भएका र हाल रोजगारी को सिलसिलामा बहराइन लाई नै कर्म थलो बनाउन आइपुग्नु भएका लिम्बुवान प्रान्तको इटहरी पाँच निवासी कर्मठ र जुझारु मित्र श्री राज कुमार तुम्बापो ज्युलाइ पनि संघीय लिम्बुवान सामाजिक मञ्च प्रवास कार्यसमितिको पहिलो बैठक बाटै कार्यसमितिको तर्फबाट केन्द्रिय सदस्य श्रीमती सरस्वता योङ्हाङ कार्यसमिति कै अध्यक्ष ,,उपाध्यक्ष ,सल्लाहकार ,केन्द्र इन्चार्ज ,महासचिव ,सचीव ज्यु लगायतले दोसला ओडाइ यश प्रवास मञ्चमा भब्य स्वागत गरिएको थियो भने उहाको जिम्मेवारी भने आगामी बैठक मार्फत तय गरिने छ ।

स्वागत पछि उहाले आफू जहाँ जस्तोसुकै अवस्थामा रहेता पनि संघीय लिम्बुवान मञ्च नेपालको लागि जस्तोसुकै परिस्थितिको सामना गर्न परे पनि आफू हरदम तयार रहेको पनि बताउनु भयो ।
सोही कार्यक्रम बाट हाल लाई अपरिहार्य ठानिएका विभिन्न एजेन्डा र कार्य योजना हरु सर्बसम्मत पारित गरिएको थियो । यस समितीको आर्थिक गतिविधि र विवरण बारे स्पष्ट पार्नको निम्ति यसै समितिका कोषाध्यक्ष दय पुर्नहाङ्ग लक्सम्बा र लक्ष्मी पतङ्वा चबेगु ज्यु लाई सम्पुर्ण जिम्मेवारी सुम्पीएको छ भने प्रस्ताववना एजेन्डा संस्कृतिक प्रमुख असोक इवाहाङ लिम्बु ज्युले प्रस्ट्याउदै बैठक समापन गरिएको थियो ।
जय लिम्बुवान ! जय संघीय नेपाल