मन्त्रीले घरमै यसरी लिए प्रहरीको सलामी !

काठमाडौं–सहरी विकासमन्त्री अर्जुननरसिंह केसीले गृहजिल्लामा प्रहरीको सलामी लिएको पाइएको छ    । कांग्रेस नेतासमेत रहेका उनले विदूरस्थित आफ्नै घरमा प्रहरीको सलामी लिएका हुन् । 
केसीले प्रहरीको सलामी लिँदै गरेको तस्बिर सामाजिक सञ्जालबाट सार्वजनिक भएसँगै सामाजिक सञ्जालमा ‘गणतन्त्रका छोटे महाराजा’ भन्नेसम्मका टिप्पणी आएका छन् ।
स्रोतका अनुसार पहिलो पटक विदूरस्थित घरमा केसी पुग्दा प्रहरीको एक टुकडीले सलामी दिएको हो । तस्बिरमा दुई ओटा घडासहितको रातो कपडा बिछ्याइएको घरको आगनमा केसी उभिएको देखिएका छन् भने अगाडीबाट प्रहरीको एक टुकडीले सलामी दिएको छ । उनी बिदूर पुग्दा घरमा नेपालको झण्डा समेत राखिएको थियो ।
गत आइतबारमात्रै केसी पश्चिमी नुवाकोटमा पर्ने तारुका गाविसको बडा नम्बर १ स्थित चौतारागाउँमा अवैध ढंगले निर्माण भएको गौरा–पार्वती सामुदायिक अस्पतालको भवन निर्माणमा हेलिकप्टरमा पुगेका थिए । मन्त्री अस्पताल उद्घाटमा गएको भन्दै त्यतिबेला पनि उनको आलोचना भएको थियो । 
यसअघि केपी ओली नेतृत्वको सरकारमा खानेपानी मन्त्री बनेका प्रेमबहादुर सिंहले पनि केसीले जसैगरी सलामी लिएको समाचारबाहिर आएका थिए । सिंह कालीकोट पुग्दा प्रहरीको एक टुकडीले सलामी दिएको थियो ।

जीवन मन्त्र यी १० लक्षण भएकाहरु सँधै असफल हुन्छन्

जीवनमन्त्र डेस्क ।

संसारका अधिकाँश सफल मानिस पहिले असफल थिए । असफलताको सिढी चढेर नै उनीहरु सफल भएका हुन् । तर कतिपय मानिसहरु आफू असफल भएकोमा भाग्यलाई दोष दिएर बस्छन् ।

वास्तु शास्त्रः घरमा गरिने यी ९ गल्तीले सँधै आर्थिक अभाव हुन्छ

उनीहरु असफल हुनुको कारण खोजी गर्दैनन् तर भाग्यलाई धिक्कारी रहन्छन् । यहाँ असफल हुने ब्यक्तिका १० लक्षणबारे चर्चा गरिएको छ । यी बानी हटाउँदा सफलताको ढोका आफै खुल्छ ।

१- विना योजना कामः
जसले विना योजना काम गर्छ उसले सफलता पाउने सम्भावना निक्कै कम हुन्छ । यस्ता ब्यक्तिले कुनै पनि कुराको योजना बनाउँदैनन् सबैकुरा भगवान भरोसा हुन्छ । तर भाग्य नभएको भन्दै पछुताउँछन् 

२- रेकर्ड नराख्नेः
आफ्नो काम रेकर्ड नराखी गर्नेहरु कहिल्यै सफल हुँदैनन् । अहिले सम्म के काम भयो के बाँकि छ भन्ने जस्ता कुरा चाँहे मोबाइल वा डायरी जस्ता कुरामा रेकर्ड हुनु पर्छ । अन्यथा तपाइँ असफल हुने लक्षण हो ।

३- साना साना कुरामा तनावमा आउनेः
असफल ब्यक्तिहरु तनावमा हुन्छन् । उनीहरुलाई साना कुराले ठूलो तनाव दिन्छ । एउटा काम पनि ध्यान लगाएर गर्न सक्दैनन् । सानो समस्यालाई ठूलो ठान्छन् ।

४- सकारात्मक सोचाइको अभावः
असफल ब्यक्तिहरुको सबैभन्दा मुख्य समस्या सकारात्मक सोच राख्न नसक्नु हो । यिनीहरु ध्यान, योग वा मन एकाग्र हुने गतिविधी गर्ने कोशिस नै गर्दैनन् ।

५- मनोरञ्जनको समय नै छैनः
अधिकाँश असफल ब्यक्तिको अर्को लक्षण हो उनीहरुसँग मनोरञ्जनका लागि समय नै पुग्दैन । कार्यालयमा तोकिएको समय भन्दा बढी काम गर्दा समेत उनीहरुको काम देखिँदैन ।

६- विदा पनि थाहा नपाउनेः
हप्ताभरीको काम पछि पाइने विदा तपाइँलाई मनोरञ्जनात्मक समय प्रदान गर्नका लागि हो । विदामा परिवार वा साथीभाइ भेट्दा छुट्टै अनुभव हुन्छ । तर असफल ब्यक्तिलाई कहिल्यै फुर्सद हुँदैन ।

७- प्राथमिकता के हो थाहा छैनः
असफल ब्यक्तिको अर्को लक्षण प्राथमिकता छनौट गर्न नसक्नु हो । न उनीहरु ब्यक्तिगत र अफिस वा ब्यवसायमा पनि प्राथमिकता छनौट गर्न असफल हुन्छन् ।

८- लक्ष्य निर्धारण नगर्नेः
असफल मानिसहरुको अर्को साझा लक्षण हो उनीहरु कहिल्यै पनि लक्ष्य निर्धारण गर्दैनन् । विना लक्ष्य जीवनमा आएका कुरा गर्दै जान्छन् र भाग्यलाई दोष पनि दिने गर्छन् ।

९- हारले अत्तालिने
सफलता असफलता जीवनका पाटा हुन् । तर एक पटकको असफलताले अत्तालिनेहरु कहिल्यै सफल हुन सक्दैनन् ।

१०- कामलाई टार्नेः
असफल हुने मानिसहरु सँधै काम टार्छन् । अहिले र आजै गर्ने काम भोलिका लागि राख्छन् र सके सम्म गर्दैनन् । यही नै उनीहरुको असफलताको कारण बन्छ ।

आप्रवासीलाई युरोप छिर्न दिने टर्कीको चेतावनी

टर्कीका राष्ट्रपति रेजेप ताय्यिप एर्दोआनले युरोपेली संघ (इयु) ले दबाब दिएमा लाखौं आप्रवासीहरुका लागि टर्कीको सिमाना खुला गरिदिने चेतावनी दिएका छन्।

युरोपली संसदले वाध्यकारी नहुने गरी टर्कीको इयु सदस्यता विषयको छलफल स्थगित गर्ने पक्षमा मतदान गरेपछि उनले त्यसो भनेका हुन्।गत जुलाई महिनामा भएको कूको असफल प्रयासप्रति धेरै कडा प्रतिक्रिया जनाइएकोमा त्यसो गरेको इयुले बताएको छ।टर्कीमा गत जुलाई महिनामा भएको कूको असफल प्रयासप्रतिको धेरै कडा प्रतिकृयाका कारण युरोपेली संसदका सदस्यहरु चिन्तित भएका थिए।

आरोप

युरोप छिर्ने शरणार्थीको संख्या घटाउनका लागि गत मार्च महिनामा इयु र टर्कीबीच एउटा सहमति भएपछि ग्रीस पुग्ने शरणार्थीहरुको संख्या घटेको छ।त्यो सहमति अन्तर्गत टर्कीलाई सहायता गरिने, टर्कीका नागरिकहरुलाई राहदानी विना यात्रा गर्न दिइने र इयु सदस्यताका बारेमा छलफल चाँडै अघि बढाइने बताइएको थियो।

एर्दोआनले इयुले ती वाचाहरु पुरा नगरेको आरोप लगाए।

धम्की

जर्मन चान्सलर एंगेला मर्केलकी एकजना प्रवक्ताले त्यो सहमति सबै पक्षको हितमा भएको र कुनै पनि पक्षबाट दिइने धम्की सकारात्मक नहुने बताइन्।इस्तान्बुलस्थित बीबीसी संवाददाता मार्क लोवेन भन्छन्, त्यस्तो धम्की टर्कीको अन्तिम हतियार हो र आक्रामक बन्दै गइरहेका एर्दोआन त्यो हतियार प्रयोग गर्न तयार देखिन्छन्।उनको धम्कीले देखाएको छ कि युरोपलाई टर्कीको आवश्यकता भएको उनलाई थाहा छ र उनले युरोपेली संसदको मतलाई हलुका रुपमा लिने छैनन्।

निर्णय

वाध्यकारी नभएको त्यो निर्णय युरोपका नेताले पालना गर्ने सम्भावना कम छ, किनकि टर्की युरोपका लागि धेरै नै महत्वपूर्ण छ।तर दुई पक्षबीचको तनाव भने चर्किरहेको छ र इयु र टर्कीबीचको सहमति अझै पनि नाजुक अवस्थामा देखिन्छ।टर्कीले हाल झण्डै ३० लाख आप्रवासीहरुलाई शरण दिएको छ र ती मध्ये धेरैजसो सिरियाली छन्।

गत वर्ष टर्की हुँदै १० लाख भन्दा बढी शरणार्थीहरु युरोप पुगेका थिए।

'आइतबार संशोधन दर्ता गर्ने सहमति'

सत्ताधारी दुई प्रमुख दल नेपाली कांग्रेस र नेकपा माओवादी केन्द्रले संविधान संशोधन प्रस्ताव आइतबार दर्ता गर्ने सहमति गरेका छन्।

दुई दलका शीर्षस्थ नेता सहितको बैठकले उक्त निर्णय गरेको बैठकमा उपस्थित मन्त्री रमेश लेखकले जानकारी दिए।रुपान्तरित संसद्बाट संविधान संशोधन गरेर प्रदेशको सिमाना हेरफेर गर्न नसकिने विपक्षीले दिएको चुनौतिबारे पनि प्रधानमन्त्रीले परामर्श गरेका छन्।त्यस्तो चुनौतीका माझ प्रधानमन्त्री प्रचण्ड र कांग्रेस सभापति शेरबहादुर देउवाले आ-आफ्ना विश्वासपात्र नेतालाई साथमा राखेर संशोधन मस्यौदाको खाकामा बुँदागत छलफल गरेका थिए।

तयार

प्रदेश नम्बर पाँचको सिमाना हेरफेर गर्ने विषयमा सत्ताधारी दलभित्रैबाट असन्तोषका स्वर सुनिएकाले आ-आफ्नो पार्टीमा छलफल गरी प्रस्ताव दर्ता गर्ने बैठकको निर्णय छ।वैठकमा सहभागि कांग्रेस सभापति निकट नेता तथा मन्त्री रमेश लेखकले भने, "संशोधन प्रस्तावको मस्यौदा मोटामोटी तयार भइसकेको छ। पार्टीमा आन्तरिक छलफल गरेर शनिवार अन्तिम रुप दिइन्छ र आईतबार दर्ता हुन्छ।"उनका अनुसार चार, पाँच र छ नम्बर प्रदेशको सिमानामा केही हेरफेर हुनेछ।प्रमुख प्रतिपक्षी नेकपा एमालेले प्रदेश सभाको सहमतिमा संघीय संसदले मात्र प्रदेशको सिमाना हेरफेर गर्न सक्ने संवैधानिक प्रावधान रहेको भन्दै वर्तमान संसदबाट त्यसो गर्न खोजिए कानुनी उपचार खोज्ने चेतावनी दिएको बताइएको छ |

संशोधन प्रस्तावको मस्यौदा मोटामोटी तयार भइसकेको छ। पार्टीमा आन्तरिक छलफल गरेर शनिवार अन्तिम रुप दिइन्छ र आईतबार दर्ता हुन्छ|

रमेश लेखक, मन्त्री

प्रधानमन्त्रीले त्यसबारे कानुनी र राजनीतिक परामर्श गरेको उनका प्रमुख राजनीतिक सल्लाहकार चक्रपाणि खनालले बताए।

संशोधनमा केही बाधा छन् त भन्नेबारे कानुनविद् र नेताहरुसँग परामर्श गरेर प्रधानमन्त्री अन्तिम तयारीमा पुग्नु भएको छ

चक्रपाणि खनाल, प्रधानमन्त्रीका प्रमुख राजनीतिक सल्लाहकार

उनले भने, "संशोधनमा केही बाधा छन् त भन्नेबारे कानुनविद् र नेताहरुसँग परामर्श गरेर प्रधानमन्त्री अन्तिम तयारीमा पुग्नु भएको छ, आइतबार-सोमबारसम्ममा संशोधन दर्ता हुन्छ।"

वंशज नागरिकता प्राप्त व्यक्ति मात्र राष्ट्रपति, प्रधानमन्त्री मुख्यमन्त्री लगायतका प्रमुख पदमा पुग्न सक्ने संवैधानिक व्यवस्था रहेकोमा वैवाहिक अंगीकृतका निम्ति त्यो व्यवस्था खुकुलो बनाइने निकै चर्चा छ।

मन्त्री लेखकले भने, "अंगीकृत नागरिक राष्ट्रपति प्रधानमन्त्री हुने लगायतका सबै कुरा असत्य हुन्।"

तर के वैवाहिक अंगीकृत पनि ती पदमा पुग्न पाउन गरी संशोधन हुँदैन? संशोधन मस्यौदा आइसकेपछि प्रष्ट हुने बताउँदै मन्त्री लेखक प्रष्ट जवाफ दिएनन्।

फेदेन ,पन्थरमा संघीय लिम्बुवान मंच नेपालको समिति गठन |

सघिय लोकतान्त्रिक रास्ट मंन्च निरन्तर यात्रा जारी छ! २०७३मङ्सिर ७ गते संघिय लिम्बुवान मञ्च ,नेपाल पान्थर फेदेन नगर वार्ड न. ८ फेदेन नगर अधिबेशन तयारी समिति संयोजक अमीर लिम्बू को प्रमुख आथित्यता र नगर सह- संयोजक मनप्रसाद तुम्बापो "पिरती"को उपस्थितिमा गठन गरिएको छ।

नव -निर्वाचित समितिको नामावली :


अध्यक्ष -लालबहादुर तुम्बापो
उपाध्यक्ष - रतन तुम्बापो
सचिव -चन्द्र तुम्बापो
अर्थसचिव -कुमारी तुम्बापो
सदस्य कालिप्रसाद तुम्बापो
" दलप्रसाद तुम्बापो
" कुमारी तुम्बापो
" सुन्दर तुम्बापो
" कुमार फागो
" तान्छोहाङ तुम्बापो
" तुलसा तुम्बापो
" अनिता तुम्बापो
" लालबहादुर तुम्बापो B
सल्लाहकार समिति
रणश्वर तुम्बापो
सुर्यहाङ तुम्बापो
गङ्गा प्रसाद तुम्बापो
कर्णबहादुर तुम्बापो

 जय लिम्बुवान !!जय संघिय नेपाल!!!

पुर्ब लिम्बुवानमा पार्टी प्रबेस गर्नेको लहरको |

 मंसिर ०७ -संघीय लोकतान्त्रिक राष्ट्रिय मञ्च-संघीय लिम्बुवान मञ्च ,नेपाल दमक नगर कार्यसमितिको नगर कार्यालय उद्घघाटन  कार्यक्रमको अवसरमा  २२ जना मानुभावहरु अन्य पार्टी परित्याग गरि संघीय लिम्बुवान मञ्च,नेपाल मा पार्टी प्रवेश समेत गर्नुका साथै साधारण सदस्य-पत्र वितरण कार्यक्रम गररिएको  र उहाहरुलाई विभिन्न तह र तपकामा  राखी जिम्मेवारीसमेत बहन गर्न दिएको साथै उहाहरुले पनि खुसि व्यक्त गरेका थिए नगर  अध्यक्ष याम लोरिङदेन बताउछन्  ।  

संघीय लोकतान्त्रिक राष्ट्रिय मञ्च-संघीय लिम्बुवान मञ्च ,नेपाल दमक नगर कार्य समितिको नगर कार्यालयमा समिक्षा बैठक संगै नव पार्टी प्रवेशि श्री- खगेन्द्र बिस्वकर्मा र श्री- विवेक मैनाली ज्युहरुलाई खादा ओडाई स्वागत गर्नुका साथै साधारण सदस्य-पत्र वितरण कार्यक्रम गररियो  र उहाहरुलाई विभिन्न तह र तपकामा  राखी जिम्मेवारीसमेत बहन गर्न दिएको साथै उहाहरुले पनि खुसि व्यक्त गर्नु भएको थियो भने समिक्षा  बैठक त्यसलगतै  सम्पन्न  गरिएको नगर अध्यक्ष याम लोरिङदेन ले बताउछन  ।

जय लिम्बुवान ! जय संघीय नेपाल !!

अदिवासी जनजाति राष्ट्रिय आन्दोलन पनि आन्दोलनमा जाने - See more at: http://esamata.com/news/2903/#sthash.uv45azNv.dpuf

काठमाडौं, मंसिर ६ । आदिवासी जनजाति राष्ट्रिय आन्दोलन नेपालको आज बसेको बैठकले सरकारको तर्फबाट संबिधान संशोधनको लागि संसदमा पेस गर्न लागेको भनिएको ४ बुँदे प्रस्तावले आदिबासी जनजातिका कुनैपनि माग संबोधन् गर्ने नदेखिएकोले अहिलेको अवस्थामा आदिवासी जनजाति एवं अन्य सीमान्तकृत समुदायको हक अधिकारको लागि आन्दोलनको विकल्प नभएको निष्कर्ष निकालेको छ ।

आजरा, नेपालका अध्यक्ष पद्मरत्न तुलाधरको अध्यक्षतामा बसेको उक्त बैठकले आजरा, नेपाल आबध्द ब्यक्ति तथा संघरसंस्था र संघीय गठबन्धन आबध्द संघरसंस्थाका प्रतिनिधिहरूको संयुक्त बैठकले आन्दोलनको लागि तयारी गर्ने निर्णय गरेको छ । यसका लागि उक्त बैठकले भाबी आनदोलनको कार्यक्रम र रणनीति तयार गर्न, आन्दोलनको नेतृत्वबारे छलफलगरी टुंगो लगाउन तथा आन्दोलन्को संरचनागत सुधार गर्न, आन्दोलनको लागि आर्थिक अभियान संचालन गर्न तथा अन्य महत्वपूर्ण बिषयमा छलफल गर्न र यही मंसीर महिनाभित्र राष्ट्रिस सम्मेलनको तयारी गर्न आउने बिहिबार अर्थात यही मंसीर ९ गते दिनको ११ बजेदेखि साँझ ५ बजेसम्म आजरा, नेपालको अत्यन्त जरूरी र महत्वपूर्ण बैठक बस्ने समेत निर्णय गरेको छ ।

प्रतिगामी संबिधानका बिरूध्द जारी आदिबासी जनजाति, मधेसी, थारू, लिम्बुवान आन्दोलनलाइ एकिकृत गरी राष्ट्रिय आनान्दोलन्को बिकास गर्न र आन्दोलनलाइ अझ सशक्त, ब्यापक र परिणाममुखी बनाउन आदिबासी जनजाति राष्ट्रिय आन्दोलन, नेपाल र लोकतान्त्रिक मधेसी मोर्चा लगायत पहिचानबादी बिभिन्न राजनातिक दल तथा जातीयरक्षेत्रीय प्रादेशिक मोर्चाहरू सम्मिलित सघीय गठबन्धनको निर्माण भएको छ । उक्त गठवन्धन्ले आनदोलनरत सबै पक्षको मागहरूलाइ समायोजन गरी २६ बुँदे साझा माग तयार गरी सो माग बर्तमान सरकारलाई बुझाएको आज ४ महिना बिति सकेको पनि उक्त बैठकले स्मरण गरेको छ ।

संविधान संशोधनको एजेण्डा राष्ट्रघाती हो भने ओली नै पहिलो राष्ट्रघाती : राजेन्द्र श्रेष्ठ

ललितपुर मङ्सिर ६ । सङ्घीय समाजवादी फोरम, नेपाल ललितपुर जिल्लाको कृष्णभक्त डंगोलको अध्यक्षतामा पुनर्गठन भएको छ । पार्टी सचिव सुरेन्द्र महर्जनले सञ्चालन गरेको उक्त कार्यक्रममा ललितपुर जिल्ला इन्चार्ज न्हुच्छेलाल महर्जनले ३१ सदस्यिय जिल्ला तदर्थ समितिको घोषणा गरेको थियो । उनले ललितपुरमा पार्टी सङ्गठन बलियो बनाउन जिल्ला पुनर्गठन गर्नु परेको कुरा बताए ।

उक्त कार्यक्रमका प्रमुख अतिथि पार्टीका सहअध्यक्ष राजेन्द्र प्रसाद श्रेष्ठले पुरानो विचार बोकेर नयाँ राजनीतिक शक्ति निर्माण हुँदैन भन्दै त्यसका लागि विचार, सङ्गठन, सङ्घर्ष र कार्य पद्धति हरेक क्षेत्रमा आफ्नो अलग विकल्प हुनु पर्ने कुरा बताए । अहिलेको राज्य पुनर्संरचनामा विवादको चुरो विषय सङ्घीयतालाई संरचनाको रूपमा मात्र हेर्ने कि सिद्धान्त वा वादको रूपमा हेर्ने भन्ने रहेको कुरा पनि उनले स्पष्ट पारे । उनले नेपाली काङ्ग्रेस र कम्युनिष्ट पार्टीहरूले अगाडी सारेको लोकतान्त्रिक समाजवाद र वहुदलीय वा नयाँ जनवाद नेपालका लागि उपयुक्त नभएकाले त्यसको बिकल्पको रूपमा ससफो, नेपालले सङ्घवाद र समाजवाद दुई मुख्य सिद्धान्तलाई एकाकार गरी सङ्घीय समाजवाद अगाडी सारेको कुरा बताउनुका साथै वास्तविक नयाँ शक्ति सङघीय समाजवादी फोरम, नेपाल नै भएको बताए ।

अहिलेको संविधान संशोधन सम्बन्धी विवादका सम्बन्धमा एमाले नेता केपी शर्मा ओलीले संविधान कार्यान्वयन नगरी संविधान संशोधनको विदेशी एजेण्डा बोक्नु राष्ट्रघाती काम हो भनेको प्रति आक्रोश पोख्दै उनले भने, यदि यो कुरा सत्य हो भने केपी ओली स्वयम् प्रधानमन्त्री भएको बेला संविधान संशोधनको तथाकथित विदेशी एजेण्डा बोक्ने र संविधान कार्यान्वयन गर्न नसकी एकतर्फी रूपमा संविधानको पहिलो संशोधन गर्ने केपी शर्मा ओली नै पहिलो राष्ट्रघाती भएको बताए । हामीले विदेशीलाई रिझाउन होइन, नेपालका उत्पीडित समुदायको अधिकार प्राप्तिका लागि संविधान संशोधन हुनुपर्ने माग गरेको कुरा पनि उनले बताए ।

उक्त कार्यक्रममा पार्टीका केन्द्रीय सदस्य तथा नेवाः प्रदेश इञ्चार्ज कृष्ण वहादुर घःजु तथा केन्द्रीय सदस्य पुस्पराज राजकर्णिकारले ललितपरको पार्टी कामलाई व्यवस्थित गर्न र पहिचानको मुद्दालाई स्थापित गर्न समितिले नेतृत्वदायी भूमिका खेल्नुपर्ने कुरा बताए ।

आजदेखि ६०१ सांसद मालामाल, एकैपटक बढ्यो तलब र भत्ता

काठमाडौं –  सांसद र संसदका पदाधिकारीहरुको सेवा सुविधा ह्वात्तै बढ्ने भएको छ । व्यवस्थापिका संसदको आइतबार बसेको बैठकले संघीय संसदका पदाधिकारी र सांसदको सेवा सुविधा बढाउने सम्बन्धि विधेयक पास गरेसँगै उनीहरुको तलब बढ्ने पक्का भएको छ ।

विधेयक समितिमा नपठाई सदनमै छलफल भएर पारित भएको संसद सचिवालयका सहप्रवक्ता सुदर्शन कुइँकेलले जानकारी दिए । कुइँकेलले विधेयकबारे सदनमा व्यापक छलफल भएको समेत बताए । विधेयक संशोधनसहित पारित भएको छ । केही दिन अघि सदनले विधेयक संशोधनका लागि समय दिएको थियो ।

विधेयकमा सांसदहरु, संघीय संसदका सभामुख, उपसभामुख, प्रतिनिधिसभाका विपक्षी दलका नेता, राष्ट्रिय सभाका विपक्षी दलका नेता तथा सांसदहरुको पारिश्रमिक, भत्ता, आवास सुविधा बढाउन प्रस्ताव गरिएको छ ।

सरकारले प्रस्ताव गरेको विधेयकमा नेपाली कांग्रेसका प्रमुख सचेतक चीनकाजी श्रेष्ठले संशोधन प्रस्ताव पेश गरे । उनको प्रस्ताव पारित भयो ।

सरकारले सांसदको दैनिक बैठक भत्ता ५ सय रुपैयाँमात्र प्रस्ताव गरेकामा संशोधनसहित विधेयक पास भएकाले १ हजार पुग्ने छ । अहिले बैठक भत्ता २ सय रुपैयाँ मात्रै छ । संसद बैठक र संसदीय समितिको बैठक बसेको दिन सांसदहरुले अब पाँच गुणा बढी हजार रुपैयाँ भत्ता बुझ्ने छन् ।

यस्तै, सांसदहरुले बढेको घरभाडा भत्ता गएको साउन महिनादेखि नै लागू हुने गरी पाउने बताइएको छ । यसैबीच, १० जनाभन्दा बढी सांसद भएका दलका प्रमुख सचेतकले सवारी सुविधा पाउने छन् । यसअघि, हिँड्दा पनि २५ सय रुपैयाँ पाउने गरेका थिए ।

पहिले
पारिश्रमिक  ४४,१८०
बैठक भत्ता  २००
महंगी भत्ता १०००
आवास ६५००
फर्निचर ९कार्यकालभर०  १५,०००
पत्रपत्रिकारटेलिफोन     २,३००
परिवहन भत्तारयातायात १५०
बिजुली धारा १,२४८
जम्मा ७०५७८

अहिले
पारिश्रमिक ५५,२३०
बैठक भत्ता १०००
महंगी भत्ता १००० ९विशेष भत्ता०
आवास १८,०००
फर्निचर ९कार्यकालभर० १५,०००
पत्रपत्रिकारटेलिफोन     ३,००० ९इन्टरनेट र सञ्चार०
परिवहन भत्तारयातायात  १,०००
बिजुली धारा २,०००
जम्मा ९६२३०
बढेको रकम २५६५२

एमालेले गर्‍यो ‘बोल्ड’ निर्णय, प्रधानमन्त्रीलाई पर्ने भयो ठूलो समस्या

संविधान संशोधन प्रस्तावको विपक्षमा जाने

काठमाडौं, ५ मंसिर । प्रमुख विपक्षी दल नेकपा (एमाले)ले संविधान संशोधनमा कुनै आउने कुनै पनि प्रस्तावको विपक्षमा जाने निर्णय गरेको छ ।

काठमाडौंको धुम्बाराहीमा आइतबार बेलुका आकस्मिक बसेको स्थायी समितिको बैठकले संविधान संशोधनभन्दा पनि संविधान पालनका विषयमा सबैसँग आग्रह गर्ने निर्णय गरेको हो । एमाले केन्द्रीय कार्यालयका सचिव कृष्णगोपाल श्रेष्ठका अनुसार एमालेले संविधान संशोधनमा कुनै पनि हालतमा सहयोग नगर्ने बताउनुभयो ।‘९० प्रतिशतभन्दा बढी सभासदहरूको समर्थन र हस्ताक्षरमा बनेको संविधान संशोधन गर्ने होइन’, उहाँले भन्नुभयो, ‘संविधान कार्यान्वयन पनि होइन अहिलेको आवश्यक्ता भनेको संविधानको रक्षा र पालना महत्वपूर्ण छ ।’

सचिवालय सचिव श्रेष्ठले सरकार गठनका बेला कोसँग कहाँ के सहमति भयो ? त्यसमा एमालेको कुनै चासोको विषय नरहेको भन्दै सत्ता टिकाउन एमालेले संशोधनमा सहयोग नगर्ने उल्लेख गर्नुभयो ।

प्रधानमन्त्री पुष्पकमल दाहालले सोमबार बेलुका पाँच बजे प्रमुख दलका शीर्ष नेताहरूको बैठक बालुवाटारमा बोलाउनु भएको छ । सो बैठकमा सहभागी भएर संशोधनका पक्षमा एमाले नरहेको जानकारी गराउने स्थायी समितिको निर्णय पनि सुनाइनेछ ।

संशोधनका लागि सत्तारुढ दलहरूले तयारी गरिरहेका बेला एमालेको बोल्ड निर्णयले कांग्रेस, माओवादी केन्द्र र मधेसी मोर्चालाई कडा झट्का लागेको छ ।

भारतमा रेल दुर्घटना, '३० जनाको मृत्यु'

फेरी भयो दुर्घटना ३०को मृत्यु |

उत्तर प्रदेशको कानपुरमा आइतबार बिहान करिब तीन बजे पटना-इन्दौर एक्सप्रेसको रेल दुर्घटना हुंदा कम्तीमा ३० जनाको ज्यान गएको छ।उक्त रेल इन्दौरबाट पटना गइरहेको थियो।बीबीसी हिन्दीसंग कुरा गर्दै रेलवेका प्रवक्ता अनिल सक्सेनाले भने, “कानपुरको पुखरायां स्टेशनमा इन्दौर-पटना एक्सप्रेस १९३२१ को १४ वटा डिब्बा लिकबाट बाहिर निस्किएको छ”।

क्षति

कानपुरका प्रहरी अधिकारीहरुले उक्त रेल पूर्ण रुपमा क्षतिग्रस्त भएको बताएका छन्।उनीहरुका अनुसार, डिब्बाहरु काटेर त्यहां फसेका मानिसहरुलाई निकाल्ने प्रयास भइरहेको छ|दुर्घटनामा अन्य कयौं घाइते भएको बताइएको छ ।घाइतेहरुको स्थानीय अस्पतालमा उपचार भइरहेको छ।रेल मन्त्री सुरेश प्रभुले राहत र उद्धार कार्य जारी रहेको बताए।

उनले आफ्नो ट्वीटमा लेखेका छन्, “यो दुर्भाग्यपूर्ण घटनासंग जुझ्नका लागि राहत र उद्धार कार्य जारी छ। चिकित्सक तथा अन्य सहयोगी टोली दुर्घटनास्थलमा खटाइएको छ”|गृहमन्त्री राजनाथ सिंहले पनि घटनाप्रति दु:ख व्यक्त गर्दै विपदका बेला खटिने सुरक्षा अंग एनडीआरएफको विशेष टोली दुर्घटनास्थल पठाउन आफूले निर्देशन दिएको बताएका छन्।

मोर्चाको नयाँ प्रस्ताव–७ र १० प्रदेशमा जनमत संग्रह गरौं

७ र १० प्रदेशमा जनमत संग्रह गरौं भन्ने प्रस्ताब ल्याए मोर्चाले |

५मंसिर, काठमाडौं ।

संयुक्त लोकतान्त्रिक मधेसी मोर्चाको मुख्य माग सीमाकंन हेरफेर हो । मधेसलाई दुई मधेस प्रदेश बनाउनु पर्ने अडान मोर्चाले काम राख्दै आएको छ । तर प्रमुख तीन दल सात प्रदेशबाट दायाँबायाँ नगर्ने मनस्थितिमा छन् । सात प्रदेश चलाउदा पुनः नयाँ विवाद सृजना हुने भन्दै सकेसम्म मोर्चालाई सात प्रदेशमै चित्त बुझाउने गृहकार्यमा तीन दल छन् ।तीन दल र मोर्चाको अडानले संविधान संशोधन भएपनि समस्या समाधान नहुने देखिएको छ । संविधान संशोधनमा प्रमुख तीन दलहरुबीच नै विवाद छ । सरकारको नेतृत्व गरेको नेकपा माओवादी केन्द्रले ७ को सट्टा एक प्रदेश थपेर ८ प्रदेश बनाउने प्रस्ताव राखेपनि कांग्रेस र एमालेले अस्वीकार गरेका छन् । तीन दलले सात प्रदेशमा नै चित्त बुझाउने गरी संविधान संशोधनको गृहकार्य गरेपछि मधेसी मोर्चाले नयाँ प्रस्ताव अगाडि सारेको छ ।

सरकारले सात प्रदेशभित्रै समस्या समाधान खोज्ने गरी संविधान संशोधन प्रस्ताव अगाडि ल्याउने गृहकार्य गरेपछि मोर्चाले संविधानमा उल्लेख भएको सात प्रदेश र राज्यपुर्नसंरचना अयोगले सिफारिस गरेको दस प्रदेशमा जनमत संग्रह गर्नुपर्ने प्रस्ताव अगाडि सारेको हो ।मधेसी मोर्चाले सीमाकंनको मुद्धालाई प्रमुख माग बनाएको छ । मोर्चाले समग्र मधेस दुई मधेस प्रदेश हुनुपर्नेमा अडान दोहोर्याउदै आएको छ । संविधानप्रति असन्तुष्टि जनाउदै मधेसी मोर्चाको माग सम्बोधन गर्नको लागि सरकारले ल्याउन भनिएको प्रस्तावले पनि समस्या समाधान नहुनेभएपछि मोर्चाले जनमत संग्रह मार्फत टुंंगो लगाउनु पर्ने गृहकार्य गरेको छ । प्रमुख तीन दल कांग्रेस एमाले र माओवादी हाल कायम रहेको सात प्रदेशको सीमाकंनलाई दायाँबायाँ नगर्ने सोचमा रहेपछि जनताको मतको सम्मानको लागि जनमत संग्रहको नयाँ बहस अगाडि सारेको छ ।मोर्चाले हाल विवादित जिल्लाको रुपमा रहेको झापा मोरङ, सुनसरी, कैलाली र कञ्चनपुरमा मात्र होइन, सात प्रदेश र दस प्रदेशको बनाउने भन्नेमा तीन दल पनि जनमत संग्रहको लागि तयार हुनुपर्नेमा मोर्चाले जोड दिएका छन् ।

जनमत संग्रह गरौ समस्याको समाधान हुन्छःयादव
यो संविधान कांग्रेस एमाले र माओवादीका पाँच जना नेताले जारी गरेको हो । यो संविधानले मधेसको मात्र होइन । पहाडको जनताको पनि चित्त बुझाउन सकेको छैन् । असन्तुष्टि जताततै छ । हामीले भनेको दुई मधेस प्रदेश हुनुपर्छ । संविधान संशोधन भएपनि अहिलेको सात प्रदेशले समस्याको समाधान हुन सक्दैन । अहिले धेरै बहस र छलफल भइसकेको छ । हामीले पनि जनताको मतको सम्मान गर्नुपर्छ । तीन दलले पनि जनमतको सम्मान गर्नुपर्छ । अब राजनीतिक सिन्डिकेट होइन । जनताको मत अनुसार तीन दलको सात प्रदेश र राज्य पुर्नसंरचना आयोगले गरेको गरेको दस प्रदेशको बारेमा जनमत गरौ । जे फैसला आउछ त्यसैलाई स्वीकार गरेर अघि बढौं ।

पहिचान दिन्छु भनेर कांग्रेस एमालेले ढाँटे
गत संविधानसभाको निर्वाचनमा पहिचान र सामथ्र्यको आधारमा प्रदेशको सीमाकंन गर्ने चुनावी घोषणापत्र बनाएका कांग्रेस र एमालेले जनतालाई ढाटने काम गरका छन् । चुनावमा पहिचानको नारा दिने अहिले एकल जातिय पहिचानको आधारमा प्रदेश बनाउन पाइन्छ ? आज मधेसले मात्र होइन पहाडमा पनि संविधानको विरोध भएको छ । सबै समुदायले अपनत्व स्वीकार गर्ने संविधान चाहिएको हो । यो विभदकारी संविधानले समस्याको समाधान गर्दैन । कांग्रेस एमाले नै मधेसलाई दुई मधेस प्रदेश बनाउनुपर्छ प्रस्ताव गर्ने अनि अहिले आएर धोका दिन मिल्छ ? यो कस्तो राजनीति हो ? कांग्रेस एमालेले राजनीतिको नाममा बेमानीको खेती गरको छन । यसको परिणाम पनि उनीहरुले भोग्नु पर्छ ।

हिन्दुराष्ट्रको बारेमा पनि जनमत संग्रह गरौं
संविधानप्रति रहेका असन्तुष्टिलाई सम्बोधन गर्नुपर्छ । जनताको जाजय माग पूरा गर्नुपर्छ । हिन्दुराष्ट्रको बारेमा पनि जनमत संग्रह गरौ । जनताको मतको सम्मान सबैले गर्नुपर्छ । जनमत संग्रह त गर्ने तर भोली देश नै टुक्रयाउनु पाउनु पर्छ भनेर माग गर्नेलाई के गर्ने ? जनमत संग्रह गर्दा देश र जनताको हितमा गर्नुपर्छ । जनमत संग्रह गर्दा राष्ट्रिय एजेण्डा बनाउनु पर्छ । दल विशेषको माग पूरा जनमत संग्रह गर्ने होइन राष्ट्रको हितलाई केन्द्रमाा राखेर अगाडि बढ्नु पर्छ ।

एक हजार बर्षपछि पृथ्वी रहँदैनः हकिङ्ग्स

बिश्व चर्चित बैज्ञानिकले दिए यस्तो सन्देश 

एजेन्सी । सुन्दा अनौठो लाग्न सक्छ तर विश्वचर्चित वैज्ञानिक स्टेफन हकिङ्ग्सले यस्तै अनौठो घोषणा गरेका छन् । उनले अबको एक हजार बर्षमा यो धर्ती नष्ट हुने भन्दै मान्छे बस्नका लागि नयाँ ग्रह खोज्नुपर्ने अनौठो घोषणा गरेका हुन् ।अक्सफोर्ड युनियन डिबेटिङ्ग सोसाईटीमा प्रवचन दिँदै हकिङ्ग्सले मानव सभ्यता कायम राख्ने हो भने पृथ्वी छोडेर नयाँ ग्रहमा जानु पर्ने बताएको द डेली एक्सप्रेसले जनाएको छ । ‘मलाई लाग्दैन कि हामी यो धर्तीमा अब एक हजार बर्ष भन्दा बढी समय रहन सक्छौं, उनले भने, त्यसले हामीले दोस्रो ग्रहमा जानुपर्छ ।’

पृथ्वी निक्कै कमजोर भएकाले आउंदो एक हजार बर्षपछि यहाँ जीवन संभव नहुने भन्दै हकिङ्ग्सले कुनै दोस्रो ग्रहमा जानुपर्ने तर्क गरेका हुन् । धर्तीमा अर्को शताब्दीमा मान्छेले जलवायू परिवर्तन र आणविक आतंकवादको सामना गर्नुपर्ने पनि उनको दाबी छ । तर हकिङ्ग्सले आगामी समय अध्ययन अनुसन्धानका लागि भने राम्रो हुने बताएका छन् ।सन् २००९ मा अमेरीकि अन्तरीक्ष संस्था नासाले धरती जस्तै ग्रहको खोजी अभियान समेत चलाएको थियो । नासाका अनुसार ४६ सय त्यस्ता ग्रह छन् जहाँ मानवको बसोबास बारे विचार गर्न सकिन्छ । नासाका अनुसार दुई हजार तीन सय ग्रहमा मान्छेले बसोबास गर्न सक्छ ।

सांसदको सुविधा चारगुणा बढ्दै, मासिक तलव १ लाख ३० हजार !

सांसदको सुविधा चारगुणा बढ्दै

३ मंसिर, काठमाडौं । व्यवस्थापिका संसदमा पेस भएको ‘संघीय संसदका पदाधिकारी तथा सदस्यको पारिश्रमिक र सुविधा’ सम्बन्धी विधेयकमा कांग्रेस एमाले र माओवादीले चारगुणासम्म सुविधा बृद्धिको प्रस्ताव गरेका छन् ।तीन दलका ११ सांसदको संयुक्त हस्तारक्षरसहित बिहीबार दर्ता गराएको संशोधन प्रस्तावमा सांसदको सुविधा चारगुणासम्म थप गर्न प्रस्ताव गरिएको सामाचार आजको राजधानी दैनिकमा समाचार छ ।

सांसदहरुको तलब र सुविधा बृद्धि गर्न संसदमा दर्ता भएको संशोधन विधेयक ‘विचार गरियोस्’ भन्ने प्रस्ताव स्वीकृत भइसकेको छ ।सो विधेयकमा संशोधनका लागि दिइएको ७२ घण्टेसमय सकिने अन्तिम दिन उनीहरुले सुविधा तलप बृद्धि हुनेगरी प्रस्ताव दर्ता गराएका हुन् ।दर्ता भएको संशोधन प्रस्ताव हुबहु पारित भए अब एकजना सांसदले पारिश्रमिकबापत मासिक १ लाख ३० हजार रुपैयाँभन्दा बढी रकम प्राप्त गर्नेछन् ।

कुलमान घिसिङलाई हटाउन प्रचण्डलाई विन्तीपत्र

कुलमान घिसिङलाई हटाउन प्रचण्डलाई विन्तीपत्र

४ मंसिर, काठमाडौं ।
उपत्यकालाई लोडसेडिङमुक्त गरेरे राजधानीका पचास लाख मानिसहरुको मन जितेका नेपाल विद्युत प्राधिकरणका कार्यकारी प्रमुख कुलमान घिसिङलाई हटाउन दबाब बढेको छ ।

घिसिङको लोकप्रिय निर्णयप्रति विद्युत प्राधिकरणभित्रबाटै कांग्रेस र एमाले निकट कर्मचारी गरेको अवरोधप्रति जनस्तरमा अहिले पनि चौतर्फी विरोध भइरहेको छ ।कांग्रेस एमालेका कर्मचारीहरु चौथर्फी विरोध भएपनि अहिले चुपचापको अवस्थामा रहेका छन् । घिसिङले उपत्यकालाई मात्र होइन एक बर्षभित्र देशभर लोडसेडिङमुक्त गर्ने आफूसँग सुत्र रहेको बताएपछि झन चर्चा चुलिएको छ ।घिसिङले लोडसेडिङमुक्त गर्ने अभियान चलाएसँगै इन्भर्टर व्यापारी, सोलार व्यापारी र जेनेटर व्यापारीहरुले प्रधानमन्त्री पुष्पकमल दाहाल ‘प्रचण्ड’लाई भेटेर घिसिङलाई हटाउन दबाब दिएका छन् ।प्रधानमन्त्री प्रचण्डको सचिवालयका एक सदस्यले नेपाली हेडलाइन्सँग भने,‘लोडसेडिङमुक्त गर्ने सरकारको अभियान असफल पार्न व्यापारीहरुको घुइँचो लाग्ने गरेको छ, अनेक बहाना बनाएर प्रधानमन्त्रीसँग घिसिङलाई हटाउनु पर्ने माग राख्ने गरेका छन् ।’

उनका अनुसार कुलमान घिसिङलाई हटाएर आफूहरु सरकारलाई जस्तोसुकै सहयोग गर्न पनि तयार रहेको जस्तो प्रलोभन समेत दिने गरेका छन् । घिसिङ प्राधिकरणको प्रमुख भएलगत्तै नाटकीय ढंगले लोडसेडिङमुक्त गर्ने निर्णय अगाडि सारेपछि इन्भर्टर, सोलार र जेनेरेटर व्यापारीहरुको व्यापार कम भएको छ ।झन सरकारी कार्यालयमा जेनेरेटर इन्भर्टर खरिदमा हुने करोडौ भ्रष्टाचार गर्न नपाएका कर्मचारीहरुको पनि छटपटी बढेको छ । प्रधानमन्त्रीका सचिवालयका ती कर्मचारीले भने,‘राम्रो काम गर्ने घिसिङलाई नै हटाउन माग लिएर आउने व्यापारीहरुलाई वालुवाटार प्रवेशमा रोक लगाइएको छ ।’ दैनिक रुपमा प्रधानमन्त्रीसँग भेटनको लागि विन्तीपत्र हाल्नेहरुको संख्या ठूलो छ, उनले भने ।

दमाम अरबमा स.लि.म को दोश्रो अधिबेशन :

संघीय लिम्बुवान सामाजिक मंच दाममा समितिको,साउदी अरबको दोश्रो अधिबेशन   

दमाम-०४,मिति २०७३ साल मङ्सिर ०३ गते शुक्रबार (18 Nov 2016) को दिन,संघीय लोकतान्त्रिक राष्ट्रीय मञ्च-संघीय लिम्बुवान मञ्च,नेपाल अन्तर्गतको संघीय लिम्बुवान सामाजिक मञ्च,प्रवास कार्य समिति ,साउदी अरब को क्षेत्रीय समिति,दमाम कार्य समितिको दोश्रो अधिवेशन बाट श्री- टंक माङ्लाक(मुस्कान) ज्युको अध्यक्षतामा ४१ सदस्यीय दमाम कार्य समिति चयन सहित अधिवेशन सम्पन्न भएको छ। साथै श्री- श्री प्रसाद यवा ज्यु ,प्रमुख सल्लाहकार रहने गरि ७ सदस्यीय सल्लाहकार समिति समेत चयन भएको छ ।

संघीय लिम्बुवान मञ्च,नेपालका केन्द्रीय सदस्य श्री- टंक माङ्लाक लिम्बू ( मुस्कान)को अध्यक्षतामा साथै संघीय लोकतान्त्रिक रास्ट्रीय मञ्च का केन्द्रीय सदस्य श्री- श्री प्रसाद यवा ज्युको प्रमुख अतिथ्यमा र साउदी अरबका लागि नेपाली राजदुताबास प्रतिनिधि श्री- कुलमान मगर ज्युको विशेष अतिथ्य लगायत अन्य अतिथि ज्युहरुको उपस्थितिमा दमाम कार्य समितिको दोश्रो अधिवेशन सम्पन्न भएको हो।

संघीय लिम्बुवान सामाजिक मञ्च,साउदी अरबको क्षेत्रीय समिति,दमाम कार्य समितिको दोस्रो अधिवेशन बाट निर्वाचित पदाधिकारी तथा सदस्यहरुको नामावली -

१. अध्यक्ष - टंक माङ्लाक (मुस्कान)

२. बरिस्ठ उपाध्यक्ष- वसन्त चेन्जी माबो

३. उपाध्यक्ष - मुकुम लिम्बू

४. उपाध्यक्ष- खड्क लिम्बू

५. उपाध्यक्ष - लभ सुब्बा 

६. उपाध्यक्ष- सुरेन्द्र सेर्मा

७. उपाध्यक्ष- रणमान लिम्बु

८. सचिव- लोकेन्द्र लिम्बू

९. सह-सचिव- भिम माबो

१०. अर्थ-सचिव- सञ्च मान लिम्बू

११. सह-अर्थसचिव- जीवन माङ्लाक(जेम्स)

सदस्यहरु :-

१२. प्रेम कन्दङ्वा

१३. बिराट कन्दङ्वा

१४. टेक माबो

१५. राज कुमार लिङ्दम

१६. कुमार नेम्बाङ

१७. पुर्ण फागो

१८. बिक्रम लिम्बू (नाम्लो)

१९. गौरिमान लिम्बू

२०. कमल थापा मगर

२१. नरेश यवा लिम्बू

२२. बिरेन्द्र यवा लिम्बू

२३. राम लावती

२४. दिलिप लावती

२५. थर्कमान हाङ्स्रुम्बा

२६. तेजु लिम्बू

२७. दिपक धिमाल

२८. बाबुराम मुर्मु

२९. पृथ मान लिम्बू

३०. राजेन्द्र ताजपुरिया

३१. जित मान कुरुङ्बाङ

३२. मुक्ती गुरुङ

३३. सन्त पाख्रीम

३४. बाबुनन्द थारु

३५. सन्तोश काङ्बाङ

३६. पदम माबो

३७. गौरिमान लिम्बू 

३८. प्रेम लिम्बू

३९. अनिश माङ्लाक

४०. भुपेन माङ्लाक

४१. दिपेन्द्र लिम्बु

सल्लाहकार :-

१. प्रमुख सल्लाहकार- श्री प्रसाद यवा

२. बरिस्ठ सल्लाहकार - राजेश सेङ्दाङ

३. सदस्य- जोन आर्यल

४. सदस्य- पुर्ण सुहाङ लिम्बू

५. सदस्य- रोशन श्रेष्ठ 

६. सदस्य- नवराज मैनाली

७. सदस्य - सुक्र हाङ मोक्तान

नव निर्वाचित दमाम कार्य समितिका सम्पुर्ण पदाधिकारी,सदस्य साथै सल्लाहकार ज्युहरुलाई हार्दिक बधाई तथा सफल कार्यकालको लागि सुभ-कामना ब्याक्त गर्दछु ।

जय लिम्बुवान ! जय संघीय नेपाल !!

नगर अधिबेशन हुने |

संघीय लिम्बुवान मंच को जनाबर्गीय संगठन स.बि.यु.लिको नगर अधिबेशन हुने |

"सम्पूर्ण बिद्यार्थीहरु संघीय समानुपातिक र व्यवहारिक शिक्षा एवं र्राष्ट्रिय मुक्तिको लागि एक हौँ भन्ने मुल नारासहित नगर अधिबेशन अधिवेशन हुन लागेको हो ।"

दमक-०४ -अथक प्रयास पछि र बिभिन्न चरणको बैचारिक,अनौपचारिक बहसहरु,भेटघाट र छलफल पछी आज बल्ल साथीहरुको सकारात्मक धारणा प्रस्तुत भयो|आज स.बि यु,लिको नगर समितिको आज बिभिन्न बिद्यालयहरुका विद्यार्थीहरु संग छलफल गरि अनौपचारिक रुपमा नगर अधिबेशन समिति जिल्ला उपाधक्ष्य साथै नगर इन्चार्ज-श्री अविन मेन्याङबो ज्युको प्रमुख अथितीयमा पाच संयोजक समिति सदस्य तोकिएको छ"-अविन मेन्याङबो भन्छन |उनि भन्छन आज सम्म हामी हामीले सरकारलाई "सम्पूर्ण बिद्यार्थीहरु संघीय समानुपातिक र व्यवहारिक शिक्षा एवं र्राष्ट्रिय मुक्तिको लागि एक हौँ'भनेर जसकाइ रहयौ तर सरकारले सुनेन हाम्रो कुरा अब हामी बाध्य बनौछौ सरकारलाई|उनले भने अब अरुण पूर्व नौ जिल्लामा हामी जसरि भएनी यो कुरालाई टेकाई छोड्छौ |हिजो सम्म हामी सुतेका थियौ तर आज हामी क्रान्तिको नया बिकुल फुकी उठेका छौ |भन्छन सुतेको बाघ र सुतेको मानिसलाई न उठाउनु तर यो एकात्मक राज्य सत्ताले हाम्रो निन्द्रा बिचकाएको छ हाम्रो निन्द्रा भंग गरेको छ अब हामी जागेका छौ कसैलाई छोड्नेवाला छैनौ | एक थोपा रगत रहे सम्म हाम्रो अधिकारको लागि लडीराख्ने छौ|थाप्नु परे गोलि थापछौ तर पछाडी हट्दैनौ|क्रान्तिको नया बिकुल फुक्छौ |

नगर समितिको संयोजक श्री सुरज यादवका अनुसार अब केहि दिन भित्र स.बि.यु,लिको नगर समितिले निक्कै सफलता हासिल गर्ने छ भने अब सरस्वती,हिमाबी,दुकुरपनि,बहुमुखी,मोडल क्याम्पसहरुमा यसको संगठन केहि दिन भित्र तिब्र रुपमा गठन हुनेछ|अनि यो स.बि.यु.लिले दमक भरिका विद्यार्थीहारुको हितको लागि बिभिन्न चरणका कार्यक्राम्हरू अघि बढाई रहनेछ र यो बिध्यार्थीहरुको माझ न.१ विद्यार्थी संगठन हुनेछ | शो स्रोतको जानकारी अनुसार यो मङ्सिर भित्र यसले निक्कै खुड्किलो मर्ने सम्म बताए भने यसको नगर अधिबेशन आउदो २०गते भित्र सम्पन्न गर्ने सम्म जानकारी दिए | स्रोतको जानकारी अनुसार केहि दिन भित्र समितिको नाम र थप उप-समितिको नाम समेत एक मुस्ट सार्बजनिक गर्ने बताए |

धन्यबाद !!!!

जय लिम्बुवान !!!जय संघीय नेपाल!!!!